Termat & Kushtet e Abonimit — ASISTENCA 24

• Abonimi është i vlefshëm për 12 muaj (365 ditë) nga data e aktivizimit.
• Pakoja aktivizohet pas pagesës dhe (kur aplikohet) pranimit të kartelës së abonimit. Vërejtje: kartela e papaguar nuk është valide.
• Pozedimi i kartelës konsiderohet si pranim i kushteve; nënshkrimi fizik nuk është i domosdoshëm. Nëse abonuesi nuk pajtohet, nuk duhet të bëjë pagesën dhe/ose të pranojë kartelën.
• Abonimi është i lidhur vetëm me automjetin e abonuar; shërbimet kërkohen vetëm për atë automjet.

• Asistencë në vendngjarje për defekte të vogla:
  • Ndihmë për ndezje në rast problemi me baterinë (asistencë me kabllo).
  • Ndihmë në rast dëmtimi të gomës: riparim ose ndërrim në vend, ose transport deri te gomisteri më i afërt.
• Nëse defekti nuk rregullohet në vend (përfshi defekte të tjera teknike), transport një herë për rast drejt servisit të afërt ose servisit të zgjedhur nga abonuesi, me kusht që destinacioni të jetë brenda ose në drejtim të qytetit.
• Numër i pakufizuar shërbimesh (për pikat e mësipërme) gjatë vlefshmërisë së abonimit, përveç kufizimeve të përcaktuara te nenet mbi keqpërdorimin/defektet e përsëritura.

• Brenda Republikës së Kosovës: deri në 60 minuta (kushte normale atmosferike dhe rrugore).
• Jashtë Kosovës / Rajon / Europa: deri në 180 minuta (kushte normale).

3.1 E drejta për shërbim

Abonuesi ka të drejtë të kërkojë shërbimet sipas Nenit 1; Asistenca 24 ka detyrimin t’i ofrojë në përputhje me këto kushte.

3.2 Përdorim i papërshtatshëm (përjashtim nga mbulimi)

• Nuk mbulohen rastet kur mjeti nuk është përdorur sipas destinimit ose defekti është shkaktuar qëllimisht.
• Pa u kufizuar: pjesëmarrje në gara, off-road/terrener të papërshtatshëm, futje e qëllimshme në baltë/dëborë, gomat jo të përshtatshme sipas ligjit/kushtit atmosferik.

3.3 Defektet e përsëritura

Asistenca 24 nuk është e detyruar të ofrojë asistencë për të njëjtin defekt më shumë se një herë gjatë vitit, nëse më parë është dhënë rekomandim për eliminimin e tij (p.sh. ndërrim baterie, gomash të dëmtuara/të vjetra, mbetje pa karburant).

3.4 Rregullat e transportit (autobartje)

• Për çdo rast të raportuar, ofrohet një transport nga vendi i ngjarjes në një destinacion (servisi më i afërt ose i zgjedhur në drejtim të qytetit).
• Nuk ofrohet bartje e shumëfishtë për të njëjtin rast (p.sh. nga servisi i parë në një të dytë, ose nga një adresë në një tjetër).

3.5 Gjendja e automjetit në momentin e abonimit

• Nëse mjeti ishte i palëvizshëm në momentin e abonimit, ose abonimi është bërë me qëllim përfitimi të menjëhershëm, Asistenca 24 nuk detyrohet të ofrojë shërbime derisa mjeti të ketë realizuar ≥ 100 km pas abonimit.

3.6 Shërbime jashtë marrëveshjes

• Nuk mbulohen rastet kur mjeti ka rënë në greminë ose në zona të paarritshme pa pajisje të specializuara (vinça, etj.). Në këto raste, shërbimi special mund të ofrohet me pagesë shtesë, sipas marrëveshjes paraprake me abonuesin.
• Asistenca 24 nuk detyrohet të ofrojë asnjë shërbim që nuk është shprehimisht i përfshirë në këtë marrëveshje.

• Pesha maksimale e lejuar: deri në 3,000 kg.
• Gjatësia maksimale: deri në 6 metra.
• Abonimi nuk vlen për mjete të modifikuara jo-standarde/sportive/garash që për shkak të strukturës, lartësisë së ulët apo pajisjeve shtesë kërkojnë trajtim/transporte të veçanta.
• Asistenca 24 rezervon të drejtën të refuzojë shërbimin për mjete jo të përputhshme me këto specifika, edhe nëse pagesa është bërë ose kartela është pranuar.

Asnjë palë nuk mban përgjegjësi për vonesa/mospërmbushje për shkak të ngjarjeve jashtë kontrollit (fatkeqësi natyrore, mjegull e dendur, reshje të dendura bore/akull, vendime autoritetesh, bllokime rrugore, mungesë qasjeje/materialesh, dështime infrastrukturore, greva, veprime të qëllimshme të palëve të treta, etj.). Pala e prekur njofton menjëherë palën tjetër dhe vijon përmbushjen pas mbarimit të ngjarjes.

• Keqpërdorimet (p.sh. përdorimi i abonimit për mjete të tjera, informata të pasakta, raportime të rreme, mashtrim) mund të sjellin:
  • Ndërprerje të abonimit pa rimbursim për periudhën e mbetur,
  • Refuzim regjistrimi për mjetin e përfshirë,
  • Detyrim kompensimi deri në 1,000 € dhe mbulim të çdo shpenzimi shtesë të lidhur me rastin.

Asistenca 24 përpunon të dhënat personale sipas legjislacionit në fuqi në Republikën e Kosovës, për përmbushje shërbimi dhe komunikime të kompanisë. Të dhënat nuk shpërndahen pa pëlqim (përveç rasteve të kërkuara me ligj). Abonuesi ka të drejtë qasjeje, korrigjimi, kufizimi ose fshirjeje të të dhënave të tij.

Mosmarrëveshjet zgjidhen fillimisht me marrëveshje të mirëbesueshme. Në mungesë marrëveshjeje, çështja i nënshtrohet gjykatës kompetente.

• Marrëveshja hyn në fuqi pas pagesës dhe (kur aplikohet) pranimit të kartelës.
• Vlefshmëria: 12 muaj (365 ditë) nga hyrja në fuqi.
• Pozedimi i kartelës = pranim i kushteve (nënshkrimi fizik nuk është i nevojshëm).

• Mbulimi sipas Nenit 1: asistencë në vend + transport një herë për rast drejt servisit të afërt/zgjedhur në drejtim të qytetit.
• Numër i pakufizuar shërbimesh (me respektim të neneve 3.2–3.6 për përjashtime/kufizime).
• Koha e reagimit: deri në 60 min brenda Kosovës (kushte normale).
• Rregulla të vlefshme: defekt i përsëritur pas rekomandimit nuk mbulohet; nuk ka bartje të shumëfishta për të njëjtin rast; kërkesa për pajisje speciale (vinç etj.) është me pagesë.
• Kushte aktivizimi: ≥ 100 km pas abonimit nëse mjeti ishte i palëvizshëm/abonimi u bë për përfitim të menjëhershëm.
• Specifikimet e mjetit: ≤ 3,000 kg dhe ≤ 6 m; mjetet e modifikuara/garash nuk mbulohen.

• Mbulimi si te Nenit 1; ofrimi i shërbimeve në Rajon me të njëjtat rregulla të bartjes (një destinacion për rast).
• Koha e reagimit: 60 min brenda Kosovës dhe 180 min në Rajon (kushte normale).
• Numër i pakufizuar shërbimesh (me kufizimet e neneve 3.2–3.6).
• Kushte aktivizimi/eligjibiliteti dhe përjashtimet si te dispozitat e përgjithshme (Nenet 3–4–5–6–7–8–9).

Zona e Mbulimit

• Rajoni: Kosova, Shqipëria, Maqedonia e Veriut, Mali i Zi, Serbia.
• Shtetet e BE-së: Austria, Belgjika, Bullgaria, Kroacia, Qipro (pjesa nën kontrollin e Republikës së Qipros), Turqia (pjesa evropiane), Republika Çeke, Danimarka, Estonia, Finlanda, Franca, Gjermania, Greqia, Hungaria, Irlanda, Italia, Letonia, Lituania, Luksemburgu, Malta, Holanda, Polonia, Portugalia, Rumania, Sllovakia, Sllovenia, Spanja, Suedia.
• Zonë Shengen (jo-BE): Islanda, Lihtenshtajni, Norvegjia, Zvicra.

Kufizimi i Rasteve

Mbulimi vlen për maksimum 3 (tre) raste gjatë periudhës 12-mujore të vlefshmërisë.

Rregulla specifike shërbimi

• Në rast dëmtimi të gomës: transport deri te gomisteri më i afërt. Kostoja e riparimit/ndërrimit të gomës paguhet nga klienti.
• Në defekte të tjera teknike: transport deri te servisi më i afërt i autorizuar.
• Nëse servisi është i mbyllur (festa/jashtë orarit): vendosje në parking të sigurt (mbuluar nga Asistenca 24) deri në rihapje.
• Hotel për pasagjerët: deri në 4 persona, shumë deri 200 € gjithsej. Aplikohet edhe për rastet me goma kur mjeti nuk mund të rregullohet brenda ditës.
• Qëndrimi në servis: deri 3 ditë për kontroll dhe vlerësim riparimi.

Mbulimi i kostove të riparimit teknik (vetëm kur dërgohet te servisi më i afërt i autorizuar)

• ≤ 500 € — mbulohen nga klienti.
• 501–1000 € — Asistenca 24 kontribuon vetëm për shumën që tejkalon 500 €, deri në 500 € max.
• > 1000 € — klienti mund të zgjedhë: kompensim maksimal 500 € nga Asistenca 24 (dhe pjesa tjetër nga vetë klienti) ose riatdhesim të mjetit në Kosovë.

Riatdhesimi & Pasagjerët

• Riatdhesimi i makinës në Kosovë organizohet nga Asistenca 24 brenda 14 ditëve nga aprovimi; kostot e riatdhesimit mbulohen nga Asistenca 24. Dorëzimi bëhet te servisi i zgjedhur nga abonuesi në territorin e Kosovës ose te adresa e deklaruar.
• Transporti i pasagjerëve (deri 4) me mjete publike rrugore (autobus/tren) deri në destinacionin përfundimtar brenda territorit të Kosovës.
• Asistenca 24 nuk mban përgjegjësi dhe nuk mbulon asnjë kosto riparimi pas riatdhesimit në Kosovë.

Procedura kur parapagimi nga Asistenca 24 nuk është i mundur (rast shumë i rrallë)

Klienti kryen pagesën për hotel/parking/shërbime/transport lokal dhe dorëzon fatura zyrtare për rimbursim te Asistenca 24 brenda 30 ditëve nga data e pagesës.

Përjashtime specifike për Pako Europa

• Defektet si pasojë e aksidenteve rrugore (aktivizohet sigurimi i detyrueshëm/kasko).
• Përdorim komercial i pa deklaruar: qira (rent), transport mallrash/pasagjerësh, taksi, etj.

Koha e ofrimit

• 60 min brenda Kosovës; 180 min jashtë Kosovës (kushte normale).